Софискиот театар „Алеко Константинов“ триумфира во Куманово со три награди за „Постојаната сопруга“

Бугарската театарска уметност блесна на 28. издание на Меѓународниот театарски фестивал „Денови на комедија Куманово 2025“, каде жирито предводено од Александар Ивановски ги додели највисоките признанија токму на претставниците од Сатиричниот театар „Алеко Константинов“ од Софија.

Претставата „Постојаната сопруга“, во режија на Бојка Велкова, беше прогласена за едно од највпечатливите остварувања на фестивалот, освојувајќи три значајни награди.

Главната женска улога ја донесе наградата за Најдобра актерка на Рада Каирјакова, чија суптилна и енергична интерпретација ја освои и публиката и критиката. Истата претстава доби признание и за Најдобра сценографија, која ја потпишува Нина Пашова, а режисерката Бојка Велкова заслужено ја доби наградата за Најдобра режија.

Со овие награди, бугарската продукција стана најуспешна на фестивалот, потврдувајќи ја високата уметничка вредност и меѓународниот реноме на Сатиричниот театар „Алеко Константинов“.

Меѓу останатите наградени беа:

Најдобар актер – Горѓи Јолески, за претставата „Бог на колежот“ (Македонски народен театар – Скопје);

Најдобра споредна улога (женска) – Јасмина Вучкова, за претставата „Петок 13“ (Народен театар Струмица);

Најдобра споредна улога (машка) – Благојчо Стојанов, за претставата „Госпоѓа Министерка“ (Театар „Јордан Хаџи Константинов“ – Велес);

Најдобра улога за млад актер – Никица Јанковски, за претставата „Разбуди се Тина“ (Театар Куманово);

Најдобра костимографија – Маријана Живковиќ, за претставата „Покондирена тиква“ (Народен театар Пирот, Р. Србија);

Најдобра претстава – „Бог на колежот“ (Македонски народен театар – Скопје).