СПАСОВСКИ: ИЗБОРИТЕ ТРЕБА ДА СЕ ОДРЖАТ 22 ДЕНА ПО КРАЈОТ НА ВОНРЕДНАТА СОСТОЈБА
Според техничкиот премиер Оливер Спасовски, изборите треба да се одржат за 22 дена, по укинувањето на вонредната состојба.
„Датумот на изборите е детерминиран со уредбата законска сила која има важност до завршување на вонредната состојба. Во моментот кога ќе заврши, за 22 дена, ќе треба да се одржат избори. Тоа е фактичка состојба. Затоа треба да се реализираат изборите во првиот можен рок. Мора да бидеме принципиелни, а изборите да бидат во моментот кога ќе има најмногу створени услови. Една од нашите одговорности е да направиме се колку што е можно побрзо да се обезбеди новата нормалност“, рече техничкиот премиер Оливер Спасовски, на денешната прес-конференција во Владата на РМ.
