СПАСОВСКИ ОБЈАВИ КОЈ МОДЕЛ ЗА НАСТАВА Е НАЈПРИФАТЛИВ

Моделот на наставата за учебната 2020/2021 година во услови на пандемијата со КОВИД-19 предвидува комбинирана настава со одредени исклучоци кои одат во прилог и на застапниците на онлајн наставата и на оние кои се залагаат за настава со физичко присуство.

На средбите со родителите кои се за онлајн настава во образовниот процес во учебната 2020/2021 година и родителите кои се за настава со физичко присуство, беше истакнато дека комбинираниот модел е прифатен како модел кој во најголема мерка ги намалува ризиците за здравјето на учениците и наставниците и истовремено обезбедува спроведување на наставно-образовните програми, објави на facebook служебниот премиер Оливер Спасовски.