„Сурва“ не може да се затвори – оди во тивок режим, изјави заменик градоначалникот на Перник, Стефан Крстев

„Сурва“ не може да се затвори – оди во тивок режим, рече заменик градоначалникот на Перник Стефан Крстев на свеченото затворање на 31-то издание на меѓународниот фестивал.

Почитувани чувари на традициите, благодарение на вас „Сурва“ е најголемиот фестивал за маски во Европа“, рече заменик градоначалникот. Тој додаде дека годинашната манифестација ги надминала очекувањата на сите гости и учесници и им се заблагодари на учесниците, жирито, на гостите и спонзорите на фестивалскиот настан.

„Како да го прикриеме огнот на „Сурва“ што ни гори во очите, како да го прикриеме ѕвонењето на ѕвоната на кукерите што чукаат во срцето. „Сурва“ не се затвора, „Сурва“ оди во тивок режим до 2026 година. Ви благодариме што сте дел од магијата на „Сурва“, рече Стефан Крастев.

Годинава имаше над 12 илјади учесници, од сите етнографски краеви на земјава, дел од фестивалската парада беа 22 странски групи од повеќе европски земји.

Програмата продолжи со фолклорни настапи на танцовиот клуб „Калина“ од град Брезник.

Фото: БНР