СВЕТОТ СТРАВУВА ОД МОЖНО ШИРЕЊЕ НА МИСТЕРИОЗНИОТ КОРОНАВИРУС
Во централниот дел на Кина регистрирани се 17 нови случаи на воспаление на белите дробови предизвикано од мистериозниот коронавирус што наликува на вирусот САРС, пренесуваат светските медиуми.
Шеесет и двајца пациенти инфицирани со коронавирусот идентификувани се во градов Вухан, од кои двајца веќе починаа, а осуммина се во критична состојба.
Азиските држави, како и неколку аеродроми во САД воведоа посебен преглед за патниците кои пристигнуваат од централна Кина, за да се спречи ширење на вирусот.
Пријавени три случаи на пневмонија во Јапонија и на Тајланд, кај лица кои пристигнале од Вухан.
Светска здравствена организација (СЗО) предупреди на можноста од ширење на епидемија бидејќи голем број Кинези најавија патувања во странство поради кинеската Нова година.
