Светските ѕвезди ги совладаа бугарските легенди во „Мечот на надежта“
Селекцијата на Светските ѕвезди ги совлада бугарските легенди со 4:3 на „Мечот на надежта“, организиран од фондацијата на Стилијан Петров на стадионот „Лазур“ во Бургас, јавува БНР. Собраните средства ќе бидат донирани за лекување на бугарските фудбалски легенди Петар Хубчев и Љубослав Пенев, како и на пациенти со онколошки заболувања низ целата земја.
За Светските ѕвезди погодија Јакубу Ајегбени, Дејвид Бентли, Марк Олбрајтон и Били Вингроув, кој го постигна победничкиот гол за 4:3. За бугарските легенди стрелци беа Маријан Христов, Димитар Бербатов и Стојко Сакалиев од пенал.
На настанот присуствуваа претседателката на Бугарија, Илијана Јотова, и министерот за спорт Енчо Керјазов.
