|

Таравари го обвини Заев дека пробал да понуди пари на пратеничка од Алијанса за Албанците

Градоначалникот на Гостивар и генерален секретар на Алијансата за Албанците Арбен Таравари, во интервју за Сител изјави дека е јавна тајна дека власта се шета наоколу со куферчиња пари кои им ги нуди на пратениците, но подвлече дека групата на неговата партија е компактна.

Таравари соопшти дека лично премиерот Заев се јавувал кај пратеничка од АА нудејќи ѝ пари но таа веднаш одбила, и како што вели градоначалникот на Гостивар не сакала ниту да зборува со него за тоа. Таравари сепак не открива за колкава сума пари се работи.

Тој додава дека случајот не е пријавен, затоа што во државата никој не верува во системот.

Слични Објави