ТРАГЕДИЈА: ПРЕГАЗЕН ПЕШАК ВО ВИНИЧКО, ПОЧИНАЛ ВО БОЛНИЦА
Прегазен пешак во виничко се здобил со тешки повреди, па откако бил пренесен во болница починал.
„На 02.10.2019 во 10.20 часот на локалниот пат село Јакимово-Виница, на влезот на просторот за паркирање на возила, патничко возило „шкода октавија“ со винички регистарски ознаки, управувано од М.Ј.(29) од село Лаки, виничко, удрило во пешакот М.Ј.(82) од село Грлјани, виничко.
Во незгодата М.Ј. се здобил со тешки телесни повреди и бил пренесен во болницата во Кочани, а потоа во Клиничкиот центар Штип, каде околу 18.50 часот починал“ соопштуваат од МВР.
Увид на местото на настанот извршила екипа од Полициската станица Виница. По наредба на Јавен обвинител телото на починатиот било дадено на обдукција.
