Трамп: Трпението кон Путин се троши, можно е воведување строги санкции
Американскиот претседател Доналд Трамп изјави дека неговото трпение кон рускиот лидер Владимир Путин се троши и најави можни строги санкции поради војната во Украина. Истовремено, тој порача дека и Киев треба да направи компромис, пренесува БНР.
„Тоа секако се троши, и тоа брзо, но за танго се потребни двајца,“ рече Трамп во интервју за телевизијата „Фокс“, кога беше запрашан дали е разочаран од одбивањето на Русија да го прекине конфликтот.
Трамп додаде дека динамиката меѓу Москва и Киев е непредвидлива: „Неверојатно е. Кога Путин сакаше, Зеленски не сакаше. Кога Зеленски сакаше, Путин не сакаше. Сега Зеленски сака, а Путин е под знак прашалник. Ќе мораме да дејствуваме многу, многу решително.“
