| |

ТУРЦИЈА ВОВЕДЕ ЗАДОЛЖИТЕЛНО НОСЕЊЕ МАСКИ НА СИТЕ МЕСТА, ОСВЕН ВО ДОМОВИТЕ

Турција наложи задолжително носење маски на сите локации, освен во домовите, по наглиот пораст на заразени со коронавирус.

Во соопштението од Министерството за внатрешни работи испратено до 81 провинција во вторникот се вели дека „од граѓаните се бара да носат маски без исклучок, на сите места“, со исклучок само во сопствените домови.

Претходно, носењето на маски беше задолжително во повеќето јавни простории, продавници и јавен превоз, но не и на работното место, пренесува АП.

Во понеделникот, Турција регистрираше 1.703 новозаразени лица, што е најголем број од средината на мај.

Минатата недела, Турција забрани социјални собири како што се забави, свадби и други видови прослави.

Извор: Макфакс



Слични Објави