Учесниците во Светскиот куп во алпски сноуборд воодушевени од условите во Банско

Над 120 натпреварувачи од 20 држави ќе учествуваат на трките дел од Светскиот куп во алпски сноуборд во Банско, кои се последни и решавачки за распределбата на квотите за Олимписките игри во Милано и Кортина, јавува Пиринско.

Сите учесници и нивните тимови се сместени во хотелот со четири ѕвезди „Four Points by Sheraton“, каде што условите се усогласени со стандардите за натпреварувачи од Светскиот куп, вклучително и со специјално мени според барањата на ФИС.

Првите тренинзи се одржаа на патеката „Јулен“, подготвена под раководство на директорот на натпреварот Виктор Гичев од екипите на Бугарската скијачка федерација и домаќините од „Јулен“. Тренинг-патеката е оформена идентично со натпреварувачката „Томба“, што ги импресионираше учесниците со високото професионално ниво на подготовка.