|

Унгарскиот парламент го одобри приемот на Финска во НАТО, но не и на Шведска

Во унгарскиот парламент денеска беше усвоен предлог-законот со кој и се дозволува на Финска да се приклучи на НАТО алијансата.

Во извештајот на Ројтерс, се потсетува дека владејачката унгарска партија Фидес неколку месеци ја одложува одлуката за барањето на Финска за прием, кое мора да го ратификуваат сите 30 членки на алијансата.

Предлог-законот за прием на Шведска во НАТО останува во процедура во унгарскиот парламент.

По избувнувањето на руско-украинскиот конфликт, Финска и Шведска минатата година побараа да се приклучат на трансатлантскиот воен сојуз, но процесот на пристапување беше запрен од Турција и Унгарија.

Турција неодамна соопшти дека засега може да го одобри членството на Финска во НАТО, но не и на Шведска, но финскиот претседател Саули Ниинисто и министерот за надворешни работи Пека Хависто ја отфрлија идејата, велејќи дека безбедноста на двете нордиски земји е меѓусебно поврзана, објави тој.



Слични Објави