Вештачката интелигенција во филмската индустрија

Новите технологии ја променија филмската индустрија. Вештачката интелигенција е следното ниво на развој на седмата уметност. Ќе го трансформира киното со подигање на рампата многу високо во однос на квалитетот.

Филмскиот критичар Зорница Аспарухова коментира дека дигитализацијата има предност пред класичната технологија најмногу поради комерцијализацијата. Максимална сума на пари се инвестира за да се оствари максимална добивка.

Новинарот Драгомир Иванов е со став дека има место и за старото добро кино. Новите технологии се користат за заживување на класичниот филм.

За време на овогодинешниот филмски фестивал во Кан, легендарниот режисер Џорџ Лукас изјави дека употребата на вештачката интелигенција во киното е неизбежна и направи интересна споредба, велејќи: „Тоа е исто како да кажете: Не верувам дека овие автомобили ќе работат. Ајде да се задржиме само на нашите коњи и да, можете да го кажете тоа, но светот не функционира така“.

Неодамна, дебатата за употребата на вештачката интелигенција во уметничките кругови стана топ тема. Штрајкот во Холивуд не беше само за платата на луѓето што ги снимаат филмовите, туку и за нивните права во услови на брзо развивање на технологијата.

За можните начини на користење на вештачката интелигенција во филмската индустрија – Велин Манов разговара со филмскиот критичар Зорница Аспарухова и новинарот Драгомир Иванов во емисијата „Што се случува“.

Фото: БНР