(Видео) Каров: Мицкоски работи за „Српски свет“
Ако премиерот РС Македонија сакаше земјата да биде независна, Бугарите одамна ќе беа дел од Уставот.
Ова за БГНЕС го изјави бугарскиот општественик од Северна Македонија Драги Каров. Тој изјави дека македонската влада учествува и ја финансира српската политика во земјата.
„Мицкоски работи за ‘српски свет’ и неговата ментална склопка е србоманска. Тој е титовистички внук и не работи за независна Македонија. Ако работеше за независна Македонија и нејзините интереси, досега Бугарите ќе беа дел од македонскиот устав и Северна Македонија ќе тргнеше кон ЕУ. Тој намерно не сака Бугарите да влезат во Уставот“, рече Каров.
„Политиката на Скопје ја води Србија, а Србија, несомнено, е лошо настроена кон Бугарија. Вековниот и најголем непријател на Бугарите се Србите“, изјави бугарскиот општественик.
Тој додаде и дека Србите се „најгеноцидниот народ на Балканот“, и тоа не само кон Бугарите, туку и кон Косово и Босна.
„Политиката на омраза против Бугарите во Северна Македонија ја водат претседателот, премиерот, министрите, новинарите, судиите и тајните служби. Бугарија треба да има механизми со кои ќе ги натера србоманските политичари во Македонија да престанат со поттикнување на оваа омраза. Овие политичари имаат србоманска ментална склопка и не разбираат од добро. Тие мислат дека Бугарија е слаба и можат да зборуваат сè најлошо против Бугарија и Бугарите“, додаде Каров.
