(ВИДЕО) КИНЕСКИОТ МИЛИЈАРДЕР И СОПСТВЕНИК НА „АЛИБАБА“ СЕ ПОЈАВИ ВО ЈАВНОСТА ПО ПОВЕЌЕ ОД ТРИ МЕСЕЦИ

Еден од најголемите кинески претприемачи, милијардерот Џек Ма, објави видео на интернет, со кое заврши неговото речиси тримесечно исчезнување од јавноста, што доведе до шпекулации за неговиот статус и деловната империја.

loading...

На видеото, кое трае 50 секунди, Ма им честита на наставниците поддржани од неговата хуманитарна фондација, но не го коментира своето исчезнување од јавниот живот и фактот дека неговата група „Алибаба“ и групата „Ент“ се под надзор на инспекцијата.

Видеото се појави на кинеските бизнис-вести и на други интернет-страници, објави АП.

Некои странски медиуми, како британски „Глобал тајмс“, го објавија видеото на своите социјални мрежи.

Ма последен пат беше виден на 24 октомври кога ја критикува финансиската инспекција на самитот во Шангај.