(Видео) Луѓето во Сирија со голи раце копаат низ урнатините за да ги спасат затрупаните заборавени од светот

Додека очите на целиот свет се вперени во Турција, каде спасувачите од целиот свет притрчаа да им помогнат на настраданите по катастрофалниот земјотрес што се случи во понеделникот рано наутро на турско-сириската граница во соседна Сирија, се случува вистинска драма, пренесуваат светските медиуми.

Според написите, земјата која е во граѓанска војна од 2011 година и владата на Башар ал Асад под меѓународни санкции предизвикаа жртвите од земјотресот да немаат ниту соодветна хуманитарна помош, а недостасуваат и спасувачи на кои во меѓувреме им се придружија и Ерменците.

Syrians affected by the earthquake don’t have the proper resources to save enough lives..they’re resorting to using buckets and their bare hands to dig..they’re completely helpless as they watch the thousands of lives they could save if they had the right machinery #HelpSyria pic.twitter.com/zI0no2hB1Z

— safa (@duydezi) February 8, 2023

Најтешко е погоден регионот на Алепо, кој е под контрола на Сириската ослободителна армија и групи кои се противат на Башар ал Асад, што ја отежнува потрагата и ги принудува луѓето сами да се грижат.

Syrians cheering. People laughing and crying – a family was pulled out from under the rubble. Adults and three children spent 36 hours between life and death. 🫡 pic.twitter.com/en8nyFHi1I

— Roberto (@UniqueMongolia) February 8, 2023

Сирија, според извештаите, нема ниту спасувачи, ниту соодветни ресурси за спасувачки операции и извлекување на затрупаните во катастрофалниот земјотрес.

Беспомошност и чувство на немоќ покажуваат лицата на луѓето затоа што не можат да ги спасат своите пријатели, соседи, роднини или членови на семејствата.

Според извештаите и покрај недостигот на меѓународна хуманитарна помош, спасувачи и опрема, неколкуте спасувачи кои успеваат да најдат некој жив почнуваат да плачат и да се смеат во исто време.

Вчера едно сириско семејство беше извлечено живо од под урнатините. Двајца возрасни и три деца 36 часа се бореле против смртта и успеале да ја победат и да излезат живи од под куп урнатини.

Додека траат спасувачките операции, многумина на социјалните мрежи почнаа да апелираат до меѓународната заедница да ги укине санкциите против Сирија, со цел да се отстранат последиците од разорниот земјотрес и да им се помогне на настраданите.

Според последните податоци на властите во двете земји, вкупниот број на загинати достигна 15.383, од кои 12.391 во Турција и 2.992 во Сирија.