(Видео) На Заев и Ципрас им е врачена Меѓународната награда за мир

/

Премиерот Зоран Заев и на поранешниот грчки премиер Алексис Ципрас денеска на церемонија организирана во Мунстер, Вестфалија, ја примија Меѓународната награда за мир на Вестфалија за 2020 година.

Наградата им ја врачи претседателот на Латвија, Егилс Левиц, како претставник на трите балтички земји кои оваа награда ја добија за 2019 година.

Заев истакна дека договорот од Преспа стави крај на долгогодишниот спор и разликите што кренаа ѕид помеѓу двете соседни земји. Спорот траеше три декади исполнети со несигурност за нашата иднина, рече Заев и додаде дека тоа се три декади на блокирани перспективи што се стратешка цел за нашата земја.

„Дојдовме до решение за кое сите ни велеа дека е невозможно да се постигне. Годинава Северна Македонија слави 30-годишни независност, ние сме 30-та членка на НАТО што беше невозможно без Преспанскиот договор. Членството е реализација на нашата стратешка цел и доказ за политичките постигнувања. Тоа е одраз на нашиот суверен избор“, рече Заев.

Порача дека Преспанскиот договор е пресвртната точка во нашиот регион.



„Со Алексис рековме дека нема да дозволиме процесот да заврши без решение. Не сакавме да го одолговлекуваме процесот. Свесни бевме дека ги изложивме нашите политички кариери на ризик, но поважна ни беше иднината и затоа најдовме решение“, додаде Заев по добивањето на наградата.

Претходна статија

Пет лица од Тетово ја изгубија битката со ковид-19 – Нуредини: Невакцинираните се убиваат и себе и другите

Следна статија

Мицкоски: Направивме историски чекор со Алијанса и Алтернатива, коалицијата ќе го победи криминалот на СДСМ и ДУИ

Најново од Вести