(Видео) Ноев: Путин не сака Украина да постои како држава

Ако мирот го дефинираме како обновување на предвоена Украина, враќање на овие 2 ипол милиони бегалци во нивните домови и остварување на нивната надеж да бидат дел од демократскиот свет, тоа нема да се случи наскоро. Ова во утринската програма на БНТ „Денот почнува“ го изјави експертот за национална безбедност и поранешен министер за одбрана на Бугарија Бојко Ноев.

„Од другата страна е агресорот (Путин) кој го сака токму спротивното – тој не сака Украина да постои како држава, тој не сака украинскиот народ да биде дел од демократска Европа. Можеме да судиме само според постапките што ги презема , а тоа се постапки на диктатор кој го изгубил разумот и паднал во длабока изолација“, изјави Бојко Ноев.

Уништените Киев и Харков се „путинизам на дело“, според поранешниот министер за одбрана. Според него, светот ќе претрпи длабока трансформација, а Владимир Путин никогаш нема да биде истиот играч на меѓународната сцена.

Улогата на Турција како посредник во разговорите е пример, рече Ноев. Меѓутоа, Бугарија нема национална политика, а бугарското општество и партиите на власт заземаат крајно спротивставени позиции во однос на војната.

„Ердоган и доставува оружје на Украина, но тој не изгубил контакт со Путин, тој е почитуван од него. Ова не е само затоа што Турција е земја со 80 милиони луѓе, туку затоа што Путин ги почитува силните. Бугарија во очите на Путин е слаба земја која може да ја понижи, чија историја може да ја земе, чија азбука ја негира итн.“, коментира Бојко Ноев.

Односот кон војната е клучно прашање за сите политички сили во нашата земја. Секое одбивање да се помогне, вклучително и со средства за одбрана, е соработка со агресорот, додаде експертот.

„Балтичките земји добиваат поддршка од НАТО, само Бугарија одбива. Нашата земја мора да биде одлучна и не може да биде мост меѓу Европа и Русија“, вели Бојко Ноев.