(Видео) Перев: Македонската делегација сакала да се слика во Салата со грбот
Македонската делегација сакала да се слика во Салата со грбот на бугарската претседателска институција, а бугарските домаќини им дозволиле. Делегацијата од РС Македонија прва ја објави фотографијата за спомен. Ова го изјави новинарот Владимир Перев во емисијата „Офанзива“ на НОВА телевизија. Неговите зборови дојдоа откако во Република Македонија изби скандал зошто на фотографијата од неформалната средба на претседателите на Република Северна Македонија и Бугарија – Гордана Силјановска Давкова и Румен Радев, го нема знамето на РСМ. Според протоколот, на неформалните средби не се очекува да биде присутно знамето на земјата во посета.
„Посетата на Силјановска Давкова започна како приватна посета на опера, која благодарение на љубезноста на бугарскиот претседател доби поофицијално значење“, објасни Перев.
„Ако претседателката Гордана Силјановска не сакала да направи скандал во Софија, зошто тоа го направи во Скопје“, праша тој по повод интервјуто на Силјановска за телевизија Сител. Тој даде пример дека на фотографии од средбата премиерот Мицкоски со претседателот на Хрватска Зоран Милановиќ, отсуствувало македонското знаме и никој во Скопје не протестирал, никој ништо не рекол.
Според него, актуелниот премиер Христијан Мицкоски личи на поранешниот Никола Груевски. Според Перев се подготвува тој да биде наследен од вицепремиерот Александар Николоски.
