(Видео) Поранешниот бугарски претседател Плевнелиев: Орбан е срцето на нападите против Бугарија

Претседателот на Бугарија во периодот 2012–2017 година, Росен Плевнелиев, ги повика бугарските институции да дадат адекватен одговор на антибугарската кампања која ја спроведува унгарскиот премиер Виктор Орбан, јави репортер на БГНЕС.

Според Плевнелиев, бугарските институции треба да заземат јасна позиција и да го осудат однесувањето на Србија и Унгарија, кои со својата политика ја поткопуваат безбедноста не само во регионот, туку и во целата Европска унија.

„ Најмногу би сакал највисоката институција во нашата држава, а тоа е Народното собрание, да одржи дебата. Бидејќи толку многу бугарски политичари се колнеа во Виктор Орбан, дека бил голем пријател на Бугарија, а гледате дека токму тој и неговите институции, финансирани од Унгарија, меѓу кои и медиумите во РС Македонија, се во срцето на антибугарските дејства и напади против Бугарија,“ истакна претседателот Плевнелиев и додаде дека тие напади веќе се пренесени и на ниво Европски парламент и Европска комисија во Брисел.

„За бугарскиот народ треба да стане јасно кој кој е,“ категоричен е поранешниот бугарски претседател и додаде: „Во пракса, „пријателот“ на Бугарија Орбан е толку пријател на нашата земја колку и српскиот претседател Александар Вучиќ е пријател на Бугарија.“

Претседателот Плевнелиев потсети дека низ годините Будимпешта активно учествувала во изградбата на мрежи со антибугарска насоченост, а исто така му помогнала на поранешниот премиер на РС Македонија Никола Груевски, кому дури му даде и азил. „Груевски е еден апсолутен бугаромразец, со кого имав не еден проблем за време на мојот мандат како државен претседател. Тој беше финансиран од Унгарија, избега во Унгарија, така што работите станаа јасни,“ додаде Плевнелиев.