(Видео) Приказната на учителот, кој ги „оживеа“ класичните јазици за бугарските ученици
Во време кога сите ученици се потпираат на модерната технологија и шетаат секаде со телефон во рака, а наставниците имаат потешкотии да го привлечат нивното внимание дури и на интересни предмети, од бугарскиот информативен сајт Актуелно ни раскажуваат за активноста на еден наставник кој успева да го оживее интересот на учениците за класичните јазици и да го задржи нивното внимание дури и за време на летниот распуст.
Летната школа за класични јазици е патување низ просторот и времето. Нејзините учесници ги сакаат латинскиот, старогрчкиот и другите антички јазици и се стремат да го земат највредното за себе од она што го читаат, слушаат, гледаат и кажуваат за време на училиштето. Од Актуелно го контактирале Димитар Драгнев – творецот на идеjaта, кој споделува интересни факти од „кујната“ и кажува зошто се важни класичните јазици.
