(Видео) Проф. д-р Пламен Павлов за шлагерот „Минаха години“

Љубовна градска песна, која била хит меѓу двете светски војни, и денес има скриено значење во Северна Македонија. За тоа за Actualno.com говори историчарот проф. д-р Пламен Павлов. Според него, станува збор за шлагер што, во симболична смисла, ја воспева Бугарската армија и до денес.

Песната е позната и во Бугарија како стара градска песна и може да се сретне под насловите „Минаха години“ или „Чакам те да дојдеш“. Дел од стиховите гласи: „Минаха години без да те забравја аз, чакам те да дојдеш, чакам те с’с буjна страст“.

Проф. Павлов посочува дека оваа песна од меѓувоениот период често се изведува во полукониспиративна атмосфера. Според неговите зборови, луѓе од Македонија му споделиле дека лирската хероина во песната симболично се толкувала како Бугарската армија. Тој наведува дека ваков шлагер бил приспособен за тајна бугарска патриотска мотивација, која, според него, била широко распространета меѓу луѓето и не е заборавена ни денес.

Историчарот раскажува и за настан од Првата светска војна, поврзан со влегувањето на бугарската војска во Охрид. Според неговиот расказ, непозната жена му се обратила на полковникот Џеров, кој подоцна станал генерал, со зборовите: „Вас свети Климент ве доведе“.

Изјавите на проф. Павлов се дадени во контекст на обвинувањата од македонска страна дека Бугарската армија била окупаторска сила. Тој, сепак, изразува став дека влегувањето на бугарските војници во 1941 година во Вардарска Македонија било доживувано како чин на правда и ослободување.

Според него, заменувањето на поимот „ослободување“ со „окупација“ е спорно, а тврдењето дека Бугарската армија окупирала сопствено население го оценува како неосновано.