(Видео) Први снимки од новиот силен земјотрес во Турција

Земјотрес со јачина од 5,2 степени според Рихтеровата скала денеска ја погоди источна Турција, соопшти ЕМСЦ.

Епицентарот на земјотресот бил на 15 километри од Малатја, на длабочина од 5 километри.

ЕМСЦ малку порано соопшти дека јачината на земјотресот била 5,5 степени и дека се случил на длабочина од 10 километри.

На интернет се објавени првите слики по новиот силен земјотрес.

Malatya’da 5,6 büyüklüğünde deprem oldu. Çok sayıda binanın yıkıldığı bilgisi aktarılıyor.

Halkımıza geçmiş olsun. Can kaybının olmamasını ümit ediyoruz.#deprem pic.twitter.com/one9sEqG8B

— UMUT-SEN (@Umut_Sendikasi) February 27, 2023

На нив се прикажани луѓе кои истрчале на улиците во страв од уривање на згради.

Засега нема информации за евентуални повредени и жртви.

Турските власти изминатиот викенд објавија дека се уапсени 184 лица осомничени дека се одговорни за уривање на згради по земјотресот на 6 февруари и дека истрагата се проширува.

Да потсетиме дека во разорните земјотреси што ги погодија Турција и соседна Сирија на 6 февруари, загинаа повеќе од 50.000 луѓе,пренесе Блиц.рс.