(Видео) Селим Сар: Целта е трговската размена меѓу Бугарија и Турција да надмине 10 милијарди долари

Селим Сар, заменик-претседател на MÜSİAD, изјави во Софија дека целта е трговската размена меѓу Бугарија и Турција да надмине 10 милијарди долари, нагласувајќи ја потребата од поинтензивна деловна соработка меѓу соседните држави, јавува БГНЕС.

MÜSİAD е меѓу најголемите бизнис-организации во Турција со над 14.000 членови и повеќе од 70.000 компании во над 85 држави, вклучително и фирми од одбранбената индустрија. Организацијата планира да организира голем инвестициски форум во Бугарија во април или мај годинава.

Во изјава за БГНЕС, Сар посочи дека главните предизвици со кои се соочува бизнисот во Бугарија се имиграцијата и недостигот од работна сила. Тој истакна дека Бугарија е втор најголем увозник на турски стоки и услуги меѓу соседите на Турција и водечки партнер на Балканот.

Сар го нагласи потенцијалот за проширување на соработката во индустријата, логистиката, производствените и снабдувачките синџири, претприемништвото и заедничките инвестиции, вклучително и во контекст на трендовите на nearshoring. Според неговите зборови, MÜSİAD делува и како инструмент на економска дипломатија, соработувајќи со дипломатски мисии, меѓународни институции и јавни власти за поттикнување на одржливо партнерство.