(Видео) Талент на ЦСКА од Скопје: Не сакам да дојде момент, кога ќе морам да бирам-Бугарија или Северна Македонија
Кошаркарската надеж на ЦСКА, Кристијан Андреев, гостуваше во БЛИЦ Live за своето прво интервју. 16-годишниот натпреварувач е веќе трета година е дел од „армјците“, а претходно седум години се развивал во школата на Славија.
Со формацијата на „црвените“ (генерација 2009), Андреев ја освои шампионската титула со ЦСКА.
Кошаркарот на ЦСКА е роден во Скопје – родното место на неговата мајка. Таа била студентка во Софија кога се запознала со неговиот татко. „Сезоната се развива добро. Оваа година помладите имаме шанса да тренираме со постарите. Собирам искуство. Висок сум 1,95 метри. Конкуренцијата е сериозна. Не сакам да дојде момент кога ќе морам да бирам – Бугарија или Северна Македонија. Летово бев на камп со македонската репрезентација. Досега не сум бил во јуниорска репрезентација на Бугарија“, раскажа Андреев, кој е амбициран да се развива во кошарката, остварувајќи ги своите соништа. Крис објасни и како ѕвездите на Апоел (Тел Авив) Василије Мициќ и Антонио Блејкни тренирале во салата на ЦСКА.
„Често посетував натпревари на фудбалскиот Славија, живеам на 15 минути од стадионот. Навивам за Арсенал и Милан. Кога Арсенал гостуваше кај Лудогорец во Лигата на шампионите, бев на натпреварот на „Васил Левски“. Месут Озил тогаш ми остави многу добар впечаток. Кога играв фудбал, бев или голман или напаѓач“, додаде Андреев. „Јас сум учел само во Бугарија. Ја знам бугарската историја, за мене таа е повистинита, иако сум роден во Скопје и мајка ми е од Македонија“, коментираше уште талентот на ЦСКА во студиото на Блиц.
