ВО БИТОЛА ОТВОРЕНА ИЗЛОЖБА „КНИГИ: ИСТОРИЈА, ИДНИНА”

На изложбата во НУ Универзитетска библиотека „Св.Климент Охридски” изложени се над 400 книги чиј издавач е МНД-Битола.
Со отворање на изложбата „Книги: историја, иднина” чиј организатор е Македонско научно друштво, синоќа во Битола почнаа манифестациите посветени на празникот на градот, Денот на ослободувањето 4-ти Ноември.

На изложбата во НУ Универзитетска библиотека „Св.Климент Охридски” изложени се над 400 книги чиј издавач е МНД-Битола.

– Нема ништо помоќно од пишуваниот збор, збор кој остава голем траг на тоа што се случувало во минатото и е за идните генерации. Годинава одлучивме 75-то одбележување на Денот на ослободувањето на Битола да го почнеме со изложбата на МНД-Битола каде се чуваат големи дела – истакна градоначалничката на Наташа Петровска.

На синоќешниот промотивен настан од МНД-Битола информираа дека на изложбата се поместени над 400 книги чиј издавач е Друштвото, ретки изданија како што се првиот број на списанието „Прилози” од 1960 година и првата книга „Педагогика” кои датираат од почетоците со работа на Друштвото, а пригодно за празникот, на јавноста е понудено посебното издание „Прилози” од 1980 година, посветено на командантот на Главниот Штаб на Народноослободителната војска и партизанските одреди на Македонија, академик Михаило Апостолски, во тоа време избран почесен член на МНД-Битола.

Пред присутните гости на МНД-Битола, професорката Весна Мундишевска Велјановска го ромовира најновиот број на списанието „Современи дијалози” кое содржи авторски трудови на 50 македонски и 30 писатели од странство, а се издава со поддршка на Министерството за култура.

Празничните манифестации по повод денот на ослободувањето на Битола денес продолжуваат со шаховски турнир за слепи лица, велосипедска трка, градско кугларско провемство и моќна атлетска трка по Широк Сокак.