Во Монтана ќе бидат запишани имињата на речиси 300 жртви на комунизмот

На споменикот на жртвите на комунистичкиот режим во Монтана ќе бидат запишани речиси 300 имиња на убиени и репресирани лица од Фердинандската, Берковската и Ломската околија, јавува 24 часа.

Ова беше соопштено на средба во локалното читалиште, организирана од Борис Ангелов – носител на иницијативата. Тој истакна дека луѓето кои ќе бидат овековечени доаѓале од различни професии и претежно припаѓале на заможниот општествен слој – лекари, учители, фабриканти, свештени лица, трговци, градоначалници и банкари. Првото име што ќе биде запишано е на лекар од селото Сталијска махала, а во едно село биле убиени дури петмина учители.

„Тоа не се злосторници, тоа не се крвници, како што е запишано во историјата, туку луѓе – градители на општеството, дел од интелигенцијата и водечките во регионот“, изјави Ангелов.

Според Иницијативниот комитет, најголемиот дел од жртвите биле луѓе со прогресивни погледи, учесници во движењата против тогашните општествени поредоци, поради што биле изложени на репресија.