Во напад во Цетиње единаесет мртви и шестмина повредени, црногорската полиција го уби напаѓачот

/

Единаесет лица се убиени и шестмина се повредени во денешниот инцидент кој се случи околу 16 часот во Цетиње, а црногорската полиција го уби напаѓачот.

Во населбата Медовина во Цетиње, убиени се 11 лица, а шестмина се повредени, меѓу кои и припадник на полицијата, потврди полицијата на РТЦГ.

Црногорскиот јавен радиодифузер јавува дека на трагедијата и претходел семеен конфликт, по што напаѓачот по случаен избор пукал во минувачи на улица. Напаѓачот пукал и кон полицијата, а во пресметката е убиен.

Во болницата во Цетиње се хоспитализирани четворица повредени, а двајца се во Клиничкиот центар во Подгорица.



Според неофицијални информации, напаѓачот е 34-годишен маж, кој пукал и во деца.

Тој дел од градот е блокиран, зголемено е присуството на полицијата, а се собраа и голем број локални жители.

Од очевидци на местото на настанот РТЦГ дознава дека напаѓачот се движел низ населбата и пукал во граѓани кои случајно се нашле таму.



Претходна статија

Руски дипломат е прогласен за непожелна личност во Црна Гора

Следна статија

Радев: Интерконекторот меѓу Бугарија и Грција има сериозна регионална и геополитичка димензија

Најново од Вести