Во Софија ќе биде промовирана книгата „Грст земja од Македонија“-збирка од избрани статии на новинарот Васил Сеизов

Вечерва со почеток од 19:00 часот, во клубот „Перото“ во Националниот дворец на културата (НДК) во Софија, ќе се одржи премиерата на книгата „Грст земја од Македонија“ – збирка од избрани статии на познатиот новинар и водач на бугарскиот акционен комитет во Кавадарци Васил Сеизов.

Изданието содржи публицистички текстови во кои авторот го посветува поголемиот дел од својата работа на теми поврзани со историската интерпретација за идентитетот на Бугарите во Македонија.

Збирката е објавена по иницијатива на неговата 95-годишна ќерка Фроска Сеизова. Организацијата на вечерашната промоција е реализирана во соработка со новинарот Ники К’нчев и Фондацијата „Бугарска памет“, претставувана од д-р Милен Врабевски.

„Мојот татко Васил Сеизов никогаш не правел компромиси со своите ставови во однос на македонското прашање, без оглед на политичкиот режим во дадениот момент. Никогаш не отстапувал од идејата за бугарштината во Македонија и ја докажувал со несоборливи факти.“, вели Фроска Сеизова.