ВО ВАЛАНДОВО СЕ ОДРЖА МЕМОРИЈАЛЕН КОНЦЕРТ ВО ЧЕСТ НА ЛЕОНИД МАНЧЕВ

Во чест на долгогодишниот член на групата „Распеани Валандовчани“ Леонид Манчев, кој почина минатата година,се одржа меморијалниот концерт ,,Пееме за Леонид“ на кој покрај распеаните валандовчани со сопствен репертоар настапија и неколку пензионирани членови на групата.

Концертот посветен на Леонид Манчев мина со многу музика и силни емоции затоа што, као што истакна во своето кусо обраќање членот на групата, Зоки Стојчев, Манчев бил пример и инспирација за младите културни работници, основоположник на „Фолк Фест“ и еден од најистакнатите културни работници во историјата на Општина Валандово и креатор на безброј вредности од областа на музиката.

Како знак на благодарност за придонесот во работата и подршката на групата, плакетата „Леонида“ им беше врачена на градоначалникот Перо Костадинов, на долгогодишни членови на групата и постхумно на Леонид Манчев.

Валандовскиот градоначалник Перо Костадинов, најави дека Домот на културата во Валандово ќе го носи името на Леонид Манчев.