ЗАЕВ ОЧЕКУВА ВАКЦИНАЦИЈАТА ДА БИДЕ МАСОВНО ПРИФАТЕНА ОД ГРАЃАНИТЕ

//

Премиерот Зоран Заев очекува вакцинацијата да биде масовно прифатена од граѓаните, бидејќи, како што рече, тоа е единствениот начин да се стави крај на пандемијата. Вакцините се безбедни, вели премиерот, а тоа се покажало од искуствата од досега спроведената имунизација во другите земји.

-Очекувам масовно прифаќање на вакцините во РС Македонија. Има една предност што сме, така да кажам земја со задоцнување со вакцинацијата. Земјите членки на ЕУ почнаа пред нас и можевме да согледаме предности и слабости, по што може да извлечеме единствена констатација дека вакцините се здрави и оти дека треба да ги користиме сите, рече премиерот.

Како што нагласи, ако се вакцинираме што побрзо, толку поскоро ќе ја победиме пандемијата што го смени животот во целиот свет и нашата земја.

-Информацијата дека во недела ќе пристигнат 24 илјади дози вакцини преку Ковакс системот ја знаевме уште пред два три дена, но, синоќа на министерот Филипче му беше потврдено и тој ја објави информацијата. Со оваа пратка може да почне првиот чекор на масовна имунизација на државата, изјави Заев одговарајќи на новинарско прашање по увидот на отпочнувањето на изградба на Градски пазар во Делчево.



Тој најави дека деновиве ќе стасаат и други колични вакцини по други механизми.

Заев верува дека ќе биде испочитуван редоследот кој е даден од здравстената комисија, а тоа се покрај здравствените работници, да се вакцинираат и повозрасните, хронично болните.

Претходна статија

ПОКРАЈ СО МИЦКОСКИ, ЗАЕВ СЛЕДНАТА НЕДЕЛА ЌЕ СЕ СРЕТНЕ СО АЛИЈАНСА И АЛТЕРНАТИВА ЗА ЗАКОНОТ ЗА ДРЖАВЈАНСТВО

Следна статија

ГАШИ ДО ЗАЕВ: ДО КОГА МОНОЕТНИЧКИ СРЕДБИ, СЕ ОТКАЖА ЛИ ОД „ЕДНО ОПШТЕСТВО ЗА СИТЕ“?

Најново од Вести