Заврши проектот за лица од ранливите категории „Незапирливи“, поддржан од амбасадата на Р. Бугарија и од МНР на Бугарија

//

Со настан во хотелот ,,Континентал” денеска беше завршен проектот ,,Незапирливи” на невладината организација со седиште во Скопје ,,Еснаф”. Проектот ,,Незапирливи” е финансиран со поддршка на амбасадата на Бугарија и Министерството за надворешни работи на Република Бугарија. Истиот е дел од низа активности на невладината организација ,,Еснаф” за подигање на свеста и за поддршка на лицата од ранливите групи.

Во проектот се вклучија врвни дизајнери од Бугарија и од Северна Македонија, кои дизајнираа производи што потоа беа изработени од лица од ранливите категории.
На настанот беа презентирани и уникатни женски аксесоари и чанти а исто така и беше прикажано промотивното видео за самиот проект.

Во своето обраќање Изабела Соколовска, раководител на проектот, ја изрази својата огромна благодарност кон амбасадата на Република Бугарија и поспецијално на амбасадорот Ангел Ангелов и неговата сопруга Билјана заради нивната долгогодишна поддршка за невладината организација ,,Еснаф” и нејзините проекти.

Амбасадорот Ангелов и неговата сопруга Билјана беа наградени со специјални благодарници заради нивното активно учество и поддршка за активностите поврзани со луѓето од ранливите категории и промоцијата на нивните креативни можности.

Погледнете ја галеријата од овој прекрасен настан:



Претходна статија

Андреј Ковачев: 22 септември треба да стане национален празник на Бугарија, криминалниот комунистички режим не успеа да го минимизира овој историски датум

Следна статија

Во Грција потврдени вкупно 72 случаи на мајмунски сипаници

Најново од Вести