Завршува гласањето за „Омилена Бугарка на публиката“
На 25 септември 2025 година (четврток) завршува гласањето за наградата „Омилена Бугарка на публиката“, која е дел од традиционалниот конкурс на Извршната агенција за Бугарите во странство – „Бугарка на годината – св. Злата Мегленска“, јавува БНР.
Оваа година пристигнаа номинации од вкупно 11 држави: САД, Германија, Шпанија, Австрија, Унгарија, Латвија, Франција, Канада, Велика Британија, Белгија и Италија. Вкупно 20 дами беа претставени пред јавноста, номинирани поради нивната импресивна активност и работа за каузата „Бугарија“.
Граѓаните сѐ уште можат да го дадат својот глас и да изберат која ќе ја понесе титулата „Омилена Бугарка на публиката“. Гласањето започна на 1 септември годинава и останува отворено до крајниот рок. Секој заинтересиран може да учествува во изборот преку следниот линк: strawpoll.com/LVyK2L4VkZ0.
