Здружението на бугарските училишта во Америка објави конкурс по повод Денот на народните будители
Здружението на бугарските училишта во Америка упати покана до децата од бугарската заедница во САД да учествуваат во креативен конкурс посветен на 1 ноември – Денот на народните будители, соопшти организацијата на својата страница на Фејсбук, пренесува Радио Бугарија.
Секој учесник треба да изработи колаж со свој омилен просветител од бугарската историја и да го испрати на е-поштата: [email protected]. Делото треба да содржи фотографија на избраниот просветител и претставување на неговите дела или активности.
Конкурсот ќе се одржи во три возрасни групи: од 4 до 7 години, од 8 до 11 години и од 12 до 18 години.
Оваа иницијатива е дел од проект на Здружението на бугарските училишта во Америка, поврзан со најпознатите бугарски празници. Целта е да ги обедини учениците и да им овозможи подобро да ги запознаат и претстават бугарските традиции.
