Зеленски со божикна порака откако Украина го промени датумот за празнување: „Злото ќе биде победено“
Украинскиот претседател, Володимир Зеленски, испрати божикна порака со охрабрување до своите сограѓани на Бадник.
„На крајот темнината ќе изгуби. Злото ќе биде победено“, вели Зеленски во видео пораката.
Тој додаде дека целата земја ќе се моли заедно за време на празникот: За нашата слобода. За нашата победа. За нашата Украина“.
Претседателот им се заблагодари на украинските војници кои го поминуваат Божик во рововите на бојното поле и рече дека неговите мисли се со семејствата кои и оваа година ќе треба да слават без своите сопрузи, синови и татковци кои се борат.
„Сите наши воини на светлината, ангели чувари на Украина. Тие докажуваат дека чуда постојат, но ние самите треба да ги создадеме“, рече Зеленски.
Украина oд минатата година го промени датумот на празнување на Божиќ на 25 декември поради руската инвазија. Претходно го празнуваше на 7 јануари, заедно со Русија.
