Зеленски во Копенхаген на средба со скандинавските и балтичките лидери за поддршка на Украина
Лидерите на скандинавските и балтичките земји денеска во Копенхаген ќе го пречекаат украинскиот претседател Володимир Зеленски, за да разговараат за дополнителна поддршка за Украина – било на фронтот, било на преговарачката маса. Ова го соопшти кабинетот на данската премиерка Мете Фредериксен, јавува АФП, пренесува БГНЕС.
„Државните и владините лидери ќе разговараат како скандинавските и балтичките земји можат да обезбедат дополнителна поддршка за Украина, како на фронтот, така и на преговарачката маса“, се наведува во соопштението на кабинетот.
