Зеленски: Војната во Украина се уште трае и тоа само поради Русија

Украинскиот претседател Володимир Зеленски денеска изјави дека за време на состанокот на лидерите на „Коалицијата на спремните“ во Франција за поддршка на Украина, истакнал дека војната се уште трае и тоа само поради Русија, чија позиција е едноставна: продолжување на војната, продолжување на нападите и одложување на дипломатијата.

„Во моментов има американски предлози на маса, вклучувајќи го и оној за целосен и безусловен прекин на огнот. Се согласивме на тоа. Но, се разбира, Русија го отфрли и вметна еден куп глупости кои никој не ги побара“, напиша Зеленски на платформата „Икс“.

Според него, истото важи и за идејата за прекин на огнот во Црното Море.