3 МАСКИ ЗА ЛИЦЕ ЗА НАМАЛУВАЊЕ НА ПОРИТЕ

//

Дали знаевте дека меленото кафе, папајата и оцетот  се само мал дел од природните производи кои ја затегнуваат кожата и ги намалуваат порите? Природата ни дава неверојатни производи кои имаат моќен антиоксидансен ефект.

Ако сакате вашата кожа да блесне и да ја минимализира големината на порите, обидете се со овие 3 маски за лице. Ако вашата кожа добро ги поднесува овие маски, можете да ги направите 1-2 пати неделно.

Маска со мед и сок од портокал
Дали знаевте дека медот е природен антибактериски агенс? Тој е богат со антиоксиданси кои помагаат да се намали воспалението на кожата како на пример акните. Покрај тоа, медот затегнува и хидрира.

Од друга страна,  киселината во сокот од портокал помага при ексфолирањето на  кожата.

Што ви е потребно:
– 2 лажици мед
– 2 лажици свеж сок од портокал
– 1 лажица мелена морска сол

Измешајте ги состојките и доколку е потребно, додадете повеќе мед или морска сол за да добиете мазна мешавина. Се нанесува на сува и чиста кожа и се остава да делува околу 15 минути (избегнувајте ја околината околу очите). Исплакнете добро со млака вода.

Маска со цимет, мед и алое вера

Што ви е потребно:
– 1 лажица цимет
– 1 лажица мед
– 1-2 лажичка алое вера гел

Измешајте ги сите состојки. Нанесете ја маската со бавни кружни движења на чиста и сува кожа, избегнувајќи го просторот околу очите. Оставете ја да делува 10 минути и исплакнете со млака вода.

Овие природни состојки го намалуваат воспалението на кожата, ги затегнуваат порите, ги отстрануваат мртвите клетки на кожата и површинските црни точки (црнки).



Маска со мед, куркума и кокосово масло

Што ви е потребно:

1 лажичка куркума
1 лажичка мед
1 лажичка кокосово масло

Ставете ја  добиената маска на исчистено лице да делува околу 20 минути (избегнувајте ја околината околу очите). Исплакнете со млака вода. Куркумата е еден од најкорисните зачини кои се применуваат на кожата за да се намали воспалението, пигментацијата, чешањето и отокот.

Благодарение на куркумата од вашата кожа се елиминираат мртвите клетки на кожата и се храни со антиоксиданси. Кокосовото масло исто така го намалува воспалението  има анти-алергиски и анти-воспалителни својства без затнување на порите.

 



Претходна статија

МВР ОБЈАВИ ВИДЕО ОД АПСЕЊЕТО НА ОСОМНИЧЕНИТЕ ЗА ТЕРОРИЗАМ

Следна статија

СДСМ: МАКЕДОНИЈА МУ КАЖА ЗБОГУМ НA ЦРНОТО МИНАТО, ЧЕКОРИ КОН ЕУ И НАТО

Најново од Истакнато

(Фото) Вандалски акт или фотошоп- кој успеа да избрише буква од името на македонистичкиот клуб во Благоевград, напишано од внатрешната страна на излогот на клубот?!

Организацијата „Нов Асном“ денеска преку соопштение испратено до медиумите во РС Македонија се обиде да направи