Ненадејно почина поранешен пратеник на СДСМ
Денеска на 50-годишна возраст ненадејно почина поранешниот пратеник Сашко Костов, пишува Слободен печат.
Од Општата болница во Кочани потврдија дека околу 10.30 часот Костов бил донесен во критична здравствена состојба по доживеан срцев удар додека бил на судско рочиште во Основниот суд.
Костов беше пратеник од редовите на СДСМ во претходниот пратенички состав на македонското Собрание. Тој е магистер на правни науки, а по завршувањето на пратеничкиот мандат работеше како адвокат. Беше татко на три малолетни деца.
