Бугарската новинарка Ирена Григорова го истражува скриеното наследство на Балканот

Историјата на човештвото крие многу тајни. Со текот на годините, научниците доаѓаат до сè повеќе збунувачки откритија кои предизвикуваат спорни прашања во врска со потеклото и еволуцијата на човекот. Новато истражување на бугарската новинарка Ирена Григорова ги испитува извонредните артефакти пронајдени на териториите на Бугарија и на Балканскиот Полуостров. „Скриено наследство“ објавена од „Апостроф“, фрла светлина на различни од општо познатите сфаќања за историјата.

По успехот на нејзините книги „Прастари времиња“, „Скитник во мракот“, „По стапките на В’лчан Војвода и неговото злато“, „Мистичните патеки на Бугарија“ и „Мистични патеки на Бугарија II“ Ирена Григорова повторно ги враќа читателите во древноста. Овој пат таа се фокусира на Балканот и внимателно истражува прикриени наоди кои со децении се заклучени во различни архиви, а академските кругови не им го даваат значењето што го заслужуваат.

„Скриено наследство“ започнува со разоткривање на грчката митологија и улогата на боговите во животот на првите цивилизации. Преминува низ мистериите во човечката еволуција и алката што недостасува. Покажува чудни артефакти и слики за кои науката нема логично објаснување. За да ги собере парчињата од оваа мистериозна сложувалка, авторката помина неколку години обиколувајќи ги музеите во Бугарија, Србија, Босна и Херцеговина, Косово, Црна Гора, Северна Македонија, Романија, Грција и Турција.

Новинарката бара одговори на прашања како: Зошто човечките тела не се приспособени за живот на Земјата? Каде е алката што недостасува во човечката еволуција? Портрети на кои божества прикажуваат луѓе од праисторијата? Можно ли е тие божества да не се родени овде, туку се дојдени од Космосот? Зошто во православната иконографија од епохата на Ренесансата има толку многу неканонски слики?

Со оваа книга Ирена Григорова ги повикува луѓето да ги остават настрана сите стереотипи кои им се всадени низ годините. Да се ​​апстрахираат и на нов начин да погледнат кон овие приказни, бидејќи ова е скриеното наследство на човештвото и време е да се покаже.