ЏОЗЕФ: ДОГОВОРОТ ОД ПРЕСПА ЗАСЛУЖУВА НОБЕЛOВА НАГРАДА
Политичкиот аналитичар и поранешен член на Меѓународната кризна група, Едвард Џозеф во интервју за грчката новинска агенција АНА-МПА изјави дека договорот од Преспа заслужува Нобелoва награда, бидејќи создал нов модел за решавање на меѓународни спорови поврзани со идентитетските прашања. Тој во интервјуто објаснува дека карактеристиката на владите одиграла важна улога, бидејќи и во двете земји во ист период имало лидери со политичка смелост да ги отворат прашањата, не само да разговараат, туку и да влезат во суштината, односно дека покажале желба за конечен, а не привремен договор.
