Повеќе од 2,5 милиони лева се донирани во добротворната кампања „Бугарски Божик“

Над 2.550.000 лева се донирани за време на овогодинешното издание на добротворната кампања „Бугарски Божик“ по вчерашната претстава во Народниот театар во Софија, соопшти претседателската институција. 21-то по ред издание на кампањата е насловено „Дајте надеж на дете во неволја“ и е за поддршка на детската хирургија, пренесува БНР.

Од почетокот на кампањата, која беше најавена на крајот на ноември во Бургас, испратени се 250.000 СМС-пораки за донации на бројот 1117 и гласовни повици на бројот 0900 1117. Сумата што е достапна на жиро-сметката за донации на иницијативата е 2.270.000 лева. 30.000 лева се донирани преку системот ePay.bg, додава прес-секретарот на претседателот.

Кампањата „Бугарски Божик“ веќе 21 година традиционално се одржува под покровителство на бугарскиот претседател, а на хуманитарната претстава во Народниот театар „Иван Вазов“ лично присуствуваа шефот на државата Румен Радев и неговата сопруга Десислава Радева. На концертот беа изведени познати бугарски песни во придружба на Симфонискиот оркестар на БНР со диригент Левон Манукјан. На концертот учествуваше и детскиот хор на БНР, а слушателите на радио имаа можност да го слушнат во живо во етерот на радиото.