Кукли од три метри го отвораат Меѓународниот куклен фестивал во Бургас

Со парада на џиновски кукли оваа недела ќе биде отворен Меѓународниот куклен фестивал „Денови на кукли“ во Бургас. Единаесеттото издание е посветено на 70-годишнината на  Бургаскиот куклен театар, изјави директорката на културната установа, Христина Арсенова.

По тој повод ќе биде отворена тематска изложба на која ќе бидат вклучени фотографии од најголемото богатство на театарот – куклите.

За време на фестивалот ќе се претстават седум бугарски и пет странски трупи, со вкупно 18 претстави на отворената сцена „Полжав“ до културниот центар Морско казино. Овогодинешното издание ќе се фокусира на класичните бајки, изјави директорката на Бургаскиот куклен театар, кој се јавува и како организатор на фестивалот.

„Она што е поинакво во нашата придружна програма се неколкуте големи летечки риби. Децата ќе можат да ги видат во една од халите на казиното. Сфативме дека оваа година ги истакнавме класичните бајки. Има бугарски класични бајки, како што се „Болен здрав  носи, , „Момче и ветер“ и од светските класици – „Црвенкапа“, „Златна коцка“, „Маша и мечка“. Љубопитни наслови кои се надевам дека ќе им се допаднат  и на младите и на старите“, истакна Арсенова.

Изложба и игри со публиката се дел од придружната програма на фестивалот.

Меѓународниот куклен фестивал „Денови на кукли“ се отвора денеска и ќе трае до 10 август, а секој ден ќе се прикажуваат три емисии, објасни Арсенова.

Фото: БНР