Иван Кондов ќе биде новиот службен министер за надворешни работи на Бугарија
Досегашниот заменик министер за надворешни работи на Бугарија Иван Кондов, ќе биде новиот службен прв дипломат на земјата јавува БГНЕС. Тоа стана јасно по продолжувањето на преговорите за составот на новата бугарска службена влада.
Досега функцијата министер за надворешни работи ја вршеше вршителот на должноста премиер Димитар Главчев.
Од 14 август до истекот на рокот за составување на службениот владин кабинет, ќе бидат познати и останатите службени министри и истите ќе бидат претставени пред бугарската јавност.
