Руте: Европа и САД обединети за крај на војната во Украина, топката е кај Путин
Европа и САД се „обединети во напорите за прекинување на оваа ужасна војна“ во Украина, изјави генералниот секретар на НАТО, Марк Руте, по „одличниот“ разговор со претседателот на САД, Доналд Трамп, и европските лидери, јавува БГНЕС.
„Го ценам лидерството на Трамп и блиската соработка со сојузниците. Сега топката е во полето на Путин“, напиша Руте на платформата X, пренесе АФП.
Овие изјави доаѓаат во пресрет на средбата на Трамп со рускиот претседател Владимир Путин, закажана за петок, 15 август, во Алјаска.
