Бугарија ќе формира Национален фонд „Бугарија денес и утре“ за единствено меѓународно претставување на земјата

Владата на Бугарија до крајот на годината ќе подготви закон за основање на Национален фонд „Бугарија денес и утре“, кој ќе има задача да го координира стратешкиот процес за создавање и промоција на единствен бренд на земјата на меѓународно ниво, јавува БНР.

Фондот ќе биде правно, буџетско и организациско јадро што ќе ги обедини напорите на повеќе министерства – за туризам, култура, економија, надворешни работи и образование – во рамките на заедничка стратегија.

Меѓу главните задачи ќе бидат изработка на концепција за претставување на земјата во странство, обезбедување одржливо финансирање од државниот буџет, европски програми и јавно-приватни партнерства, како и ефикасно управување преку надзорен совет, извршен директор и мрежа од регионални и странски канцеларии.