ПОЗНАТА ЗДРАВСТВЕНАТА СОСТОЈБА НА СИНОТ НА ЏЕВАТ АДЕМИ
Синот на пратеникот од ДУИ Џеват Адеми е еден од двајцата ранети при пукање од огнено оружје на свадба во Мала Речица. Според информации на албанските портали другиот ранет е роднина на пратеникот.
Семејството Адеми ја потврди веста на порталот „Лајм“ дека синот на пратеникот е ранет од огнено оружје, но демантира дека Адеми пукал при повредувањето.
-Станува збор за заталкан куршум од свадбена веселба – велат од семејството на Адеми и додаваат дека двете повредени лица се во добра и стабилна состојба.
Од Министерството за внатрешни работи соопштија дека еден од повредените е потешко ранет и однесен на клиниките во Скопје, додека вториот е вон животна опасност и задржан на лекување во тетовската Клиничка болница.
Извор: Поглед
