Милотинова по триумфот на Евровизија: „Добредојдовте во Софија следната година“

Бугарија ќе биде домаќин на следното издание на „Евровизија“. DARA и „Bangaranga“ ги освоија срцата на жирито и публиката и триумфираа на 70-тото издание на музичкиот натпревар. За првпат победникот убедливо победи и во гласањето на жирито, и кај публиката.

„Толку сум горда. Тоа што DARA го направи беше навистина неверојатно. Сакам да ви кажам „Добредојдовте во Софија следната година!“. Благодарност до целиот тим на БНТ кој стои зад DARA, до нашите партнери, до шефицата на делегацијата на Бугарската национална телевизија – Борјана Граматикова и до целиот тим што БНТ го ангажираше за претставувањето на Бугарија на Евровизија.“, изјави генералната директорка на БНТ, Милена Милотинова, на официјалната прес-конференција на победниците по финалето на „Евровизија 2026“.