Шефицата на бугарската дипломатија Велислава Петрова дел од официјалната делегација на Румен Радев во Париз и Брисел
Министерката за надворешни работи на Бугарија Велислава Петрова беше дел од официјалната делегација во рамките на посетата на премиерот Румен Радев на Париз, јавува бугарското МНР.
Министерката за надворешни работи учествуваше на средбата со францускиот претседател Емануел Макрон во Елисејската палата. Во рамките на разговорот беа разгледани теми од областа на билатералната соработка и од европската агенда. Европската безбедност, диверзификацијата на енергетските испораки и развојот на нуклеарната енергија како стратешки елемент на енергетската независност на Европа, исто така, беа меѓу акцентите на средбата.
Подоцна истиот ден премиерот Румен Радев и делегацијата предводена од него отпатуваа за Брисел, каде што се предвидени средби со белгискиот премиер Барт Де Вевер, генералниот секретар на НАТО Марк Руте, претседателката на Европската комисија Урсула фон дер Лајен и претседателот на Европскиот совет Антонио Кошта.
