Д-р Голев: Во Северна Македонија се забележува Стокхолмски синдром кон Србија
Во Република Северна Македонија се забележува Стокхолмски синдром кон Србија, изјави во Студио Actualno Балкани историчарот д-р Константин Голев од Институтот за историски истражувања при Бугарската академија на науките и технички секретар на бугарско-македонската историска комисија.
Неговото учество беше во контекст на извештајот на Европскиот парламент за напредокот на Северна Македонија, во кој европарламентот ја повикува историската комисија меѓу двете држави на резултати, историјата да не се фалсификува и со загриженост констатира за ширењето на „Српскиот свет“.
„Би си го објаснил овој синдром со провинцијалноста на ова општество. Бидејќи тоа е многу мало, секогаш му припаѓало на поголема структура. Во случајот со Југославија центарот е Белград. Таму е формиран голем дел од политичката елита и во моментов, тоа е големата цел и тоа е изворот на некаков престиж. Сè уште продолжува овој Стокхолмски синдром да се доживува од политичката елита“, додаде историчарот.
Историчарот изјави дека Србија влијаела врз историскиот наратив во Северна Македонија, кој во моментов се брани.
„Мицкоски решил за себе да не влегува во ЕУ. Сака повеќе да гради некаков режим од типот на Вучиќ, кој да биде на периферијата на Европа“, смета д-р Голев.
Русија, пак, според неговите зборови, има удел во генезата на македонизмот во оваа негова форма, која е силно просрпска.
„Русите, од Царска Русија преку Советскиот Сојуз до Путиновата Русија, секогаш флертувале со македонизмот. Видливо е дека токму Коминтерната го дефинира постоењето на самостојна македонска нација“, уточни д-р Голев.
„Самиот термин окупатори меѓу 1941 и 1944 не е релевантен во однос на државата Северна Македонија и таа никогаш не постоела пред тоа. Во тоа време бугарските војски окупираат територии што ѝ припаѓале на Кралска Југославија“, изјави уште д-р Голев.
Според неговите зборови, бугарските војски нема како да окупираат нешто што не постоело.
„Одделно прашање е какво е населението, како ја восприема армијата, колкав дел од офицерите во оваа армија се родени во Македонија и имаат семејства“, додаде д-р Голев.
Тој обрна внимание и на нашето совремие, посочувајќи дека при бегол поглед на македонските медиуми може да се види дека таму многу повеќе се занимаваат со Бугарија, отколку ние со нив, и речиси секогашфокусoт е крајно негативен.
Според него, сето тоа е израз на стравот на политичката елита таму.
Според неговите зборови, ако се дефинира историскиот наратив за општеството и истиот се направи поблизок до вистината, тоа силно ќе го разниша македонскиот идентитет.
„Тоа е и причината за овие фанатични отпорни маневри против секакви решенија што може да ги донесе историската комисија, затоа беа и овие маневри во Европскиот парламент“, додаде д-р Голев.
